හදිසියෙ කැළඹුනා පුවතක් මත නිරස
කවියක් ලියන්නට හිටි කව කවා කැස
මා හට ලද නිමිත්තකි මෙය රසම රස
මාරුව ලැබුණ හින්දා මේ පාසලට
පොඩ්ඩක් වැඩියි බිම පර්චස් විස්සකට
හදිසියෙ හදා ගත් සුන්දර ගෙපැලකට
ආවා කුඩා පවුලක් පැල පදියමට
බාධක ගැටලු එපමණ නැත දිවි කතරේ
පුතු උගෙනියි හොඳින් හිඳ එකොලහ වසරේ
උසස් පෙල කලා විෂයන් තුන අතරේ
දියණිය ගැටෙයි පැන ගන්නට ඉම සතරේ
ගුරුවරයෙකි පියා ඇස් පාදන රටට
අම්මා හිටිය දරුවන් හා වෙලා ගෙට
සිදුවන්නට යන විපත් කරදර නොදැන හෙට
මේ අය සැමට පෙන්වූවා හිනා කට
දියණිය එනිවසේ ඇදගත් සැමගෙ නෙත
නොමනා කට කතා කිසි දින අසා නැත
වරදේ දෑස නොම හරවනු මැන මවෙත
නොකියා කෙලෙස හිඳිමිද ඇගෙ රුසිරු වත
හදිසියේ පිපී ගම් පියසම එකළු කළ
සැම නෙත් උදුර ගත්තා මේ නවමු මල
තැන තැන වැල කකා හිටි ගම කපුටු රැල
හැලුවා අලුත් වරකා ගෙඩියටත් කෙල
ඇගෙ රූසිරි විඳින්නට හිරු සඳු අහස
උන මුත් නොහැකි විය අපමණ වත් වෙහෙස
දිය දෝවන බැවින් උදයේ හා සවස
දොඹකොල ඇල්ල පමණකි ලැබුවේ පහස
සැමදා හවස දොඹකොල ඇල්ලෙන් නෑවා
නෑමට එන සැමට ඈ මදහස පෑවා
මනහර දිය කඳක රූසිරි ගෙන ආවා
වරලස දනිස් අල්ලන්නට පොර කෑවා
ලප නොමවන් සඳට දෙඅදර සමව නැත
මුහුණේ එක් පසක ඉන්නකු ගැවසි ඇත
ගෙනෙනට තැතනු මුත් ඇගෙ උවනතට කැත
ඵල දරා නොමැත ඉන්නා දරපු තැත
ලප නොමවන් සඳට දෙඅදර සමව නැත
මුහුණේ එක් පසක ඉන්නකු ගැවසි ඇත
ගෙනෙනට තැතනු මුත් ඇගෙ උවනතට කැත
ඵල දරා නොමැත ඉන්නා දරපු තැත
මග තොට තොටුපලේ හමු වූ විට දෙනෙත
පෙන්වා සිටිය මුත් ඈවෙත මිතුරු වත
ඒ ගම් පියස ළඳුනගෙ ඉරිසියා සිත
ඇත්තම කිවුවොතින් ඇති නොවුනේම නැත
(මතු සම්බන්ධයි..............)
ලියන සිතුවම් පෙළ
ReplyDeleteදුක්මුසු කතාවක් කළ
නැද්ද වෙන නිමිති රැළ
මෙන් තුටු කරන සහන් නළ
@රවින්
ReplyDeleteසැම දුක් කම් කටොලු රසයක් ලෙස රැගෙන
සතුටින් හිඳින්නට නිතරම ඔවා දෙන
පීඩා මැදදි කළු ගල සේ නොම සැලුන
මගෙ මිතුරේ දුකට අද ඇයි විරුදු වන
This comment has been removed by a blog administrator.
ReplyDeleteකොඳ මල් කැකුළු මල් කැළයේ රැව දිලෙන
ReplyDeleteදෙබරු බලන්නේ ඒ දෙස කැත හිතින
අනේ දෙවියනේ පඬුපුල් නුඹෙ අසුන
රත් වෙන දෙයක් නොම වෙන්නයි මගෙ පැතුම
කොඳ මල් කැකුළු මල් කැළයේ රුව දිලෙන
ReplyDeleteදෙබරු බලන්නේ ඒ දෙස කැත හිතින
අනේ දෙවියනේ පඬුපුල් නුඹෙ අසුන
රත්වෙන දෙයක් නොමවෙන්නයි මගෙ පැතුම
@Wath
ReplyDeleteරත්වී වැඩි වෙලා ඒ පඬුපුල් අසුන
පත් වී ඇත දුකට සක්කර දෙව් විමන
දෙස්දී පලක් නෑ සෙනගට මේ අමන
එක්වී බලනු මෙපුවත ඉදිරියට එන
විහසිත වෙත පැමිණ කවි දැක බලා ගත්
නිතරම හුරු පුරුදු මුහුණකි ඔයා වත්
අවසන කථාවේ සුල මුල බලා ගත්
වෙනු ඇත ඔයාටත් ඇත්තට දෙලෝ රත්
ළඳකගේ වරුණ සුරුවම් සිතුවමක් කල
ReplyDeleteවින්දෙමි මිහිර දුටුවාසේ කුමුදු විල
කියපන් යාඵවේ හනිකට ඉතිර පෙල
කවුරුද නෙලාගත්තේ මේ සුමුදු මල
@``` Outsider```
ReplyDeleteගතකර වරු දෙකක් මේ පද වැල් ගෙතුව
කොටකර කිවුවොතින් වෙයි රසයට අඩුව
රසකර කියන්නෙමි සේරම අඩු නැතුව
විස්තර කියන තුරු ඉවසාපන් පපුව
ස්තුතියි ``` Outsider```
කතන්දරේ ඉතිරිය බැලුමට ආවා
ReplyDeleteලියා නැති බවක් ඒ ආවිට දුටුවා
කුටුම්බයේ වැඩ අධිකද මම සිතුවා
හෙටත් ඈවිත් යන්නම් තරහක් නැතිවා
@ Wath
ReplyDeleteලියන්නට ගියත් ඉතිරිය කතන්දරේ
කුටුම්බෙ ලොක්ක දැම්මනෙ බර බරේ
සිද්ධිය දුර ගිහින් හරිම ජරමරේ
ඒ විස්තරේ කියන්නෙමි Wath මේ මුරේ
ඔන්න මමත් ආවා ඔබ දැක ගන්න
ReplyDeleteලස්සන සිනාවකින් මුව පුරවා මෙන්න
දුටුවෙමි ඔබේ රසබර කවි කතන්දර
විගහින් කියනු මැන ඇයගේ ඉතිරි ගොත
@ මම
ReplyDeleteකවි සිතුවිලි තිබේ මුලු සිත තුල පුරවා
එනමුත් වැඩ නිසා ඉමි ලියනට බැරුවා
--මම-- ත් විහසිතට අද එබිකම් කෙරුවා
හෙටත් එන්න යයි මේ ඇරයුම් කෙරුවා
ස්තුතියි