Wednesday, April 21, 2010

3 කොටස

ඉස්සර සිරි සෝම, දැන් සිරි මුදලාලී
මිතුරන් රැසක් ඇතිවී ඇඟටම ඈලී
දැන් නිතරෝම ගම වට යන පෙලපාලී
ටික ටික වැඩියි මිනිහගෙ සෝබන කෑලී

ඉහලින් කර ගන්න දුව නාවන මගුල
ගමටම ගැහුව බෙර තම්මැට්ටම් දවුල
නටනා හැටි දැකල ගිනි ලා ගෙන රැවුල
උපහාසෙන් සිනා සුනි රක්වන් ගඟුල

පොඩොස්සියො කියන වැඩ ටික මග හරිතී
ගැටිස්සියෝ සුලු සුලු වැඩ ටික කරතී
ළමිස්සියෝ එක වැඩ දෙක තුන කරතී
බැරැස්සියෝ බර වැඩ සේරම කරතී

ගෙන් ගෙට ගිහින් හැම දෙනටම කියල මගුල්
හඬවන්නට යන්නෙ ගමටම රබන් සුරල්
කටගැස්මකට ගෙන්වන්නට කියල ඩෙවල්
ලොරි බාගයක් වැඩමෙව්වා නැටුං ඔයිල්

අහවර වී මගුල එක දිනයක් ගෙවුනී
වියදම සැරට ගිය බව මගෙ කණ වැකුණී
සැම දෙන ගෙදර ගිය පසු මගුලට පැමිණී
වැහැලා පෑව්වා සේ ගම නිහඬ වුණී

(මතු සම්බන්ධයි...........)