ඉරිදා නිසා උන්නේ නින්දකට වැද
ඇසුනා අවට අලුතින් හැදු රබන් පද
විමසා බැලිමි නොතකා හිස වැටෙන පොද
දුටුදේ නිසා හිත රඟ දුනි විරිදු පද
දොරකඩ ගෙදර ඉන්නා සමරෙගෙ නෝනා
හිස් බඩ ඇවිත් ඉදලක් ගෙන වනමින්නා
සංස්කෘත සමග සිංහල අනමින්නා
අමරෙ‍ගෙනෝනාට දෙහි කපමින් උන්නා
අමරෙගෙ නෝන නෑ කට වහගෙන හිටියේ
ඇගෙ ගම් පළාතලු මාතර ඉඳිකැටියේ
බැඳලා හිටපු බල්ලා ගෙන කිටි කිටියේ
වඩිග පටුන නැටුමට සැරසෙන සැටියේ
අපටත් නොහැක නෑසුන විලසට ඉන්න
යුද්ධය නොම හැඩයි නැවතීමක් ගන්න
බැරි තැන තවත් සිංහල ඉවසා ගන්න
නෝනව යැවුව විස්තර විමසා එන්න
හේතුව විමසුවෙමි හිස්බඩ කෙල ගන්න
දෙකොනින් හිනා යන කරුණකි දැන ගන්න
නෝනා අපේ ඒ මැද්දට නොම එන්න
සිදු වෙයි එකෙකු හට යටිපස් ගමු යන්න
අමරෙගෙ ගෙදර අති කරනා පොඩි කිටියා
අල්ලපු ගෙට පැනල විලසින් හොර කොටියා
නෝනග සැප ඇ‍‍ඳේ නිදියාගෙන හිටියා
අඬ දබරෙට එකම හේතුව මෙය සැටියා
පැන්නේ පූසා හින්දා නැවතුනි ඔහොම
අප්පේ අදයි දැක්කේ ගෑනුන් මෙහෙම
උන්දෑ අපේ කිවුවා ගෙට ආ වහම
පැන්නේ මහත්තය නම් හෙම වෙයි කොහොම????
(නම් ගම් මනඃකල්පිතයි)
පහදා ගන්න අසනෙමි මෙය නොඉඳ නිකා
ReplyDeleteවිසඳා දෙන තුරා ඉන්නෙමි මුකුත් නොකා
වෙනදා එක දෙකක් කවි පද ගොතන එකා
පබඳා ඇත හතක්! අද වැහිලාද මොකා
කියවා නැගිණු තව පැණයක් මට ඇත්තේ
ගොස් ඇති වගෙයි මින් පෙර නුඹ ඒ පැත්තේ
නිසි පිළිතුරක් සුද්දෙන් දැන ගත යුත්තේ
ඇඳ "සැප" වගක් කොහොමද ඔබ දැනගත්තේ.
උන්නැහේ----
ReplyDeleteසිද්ධිය රස නිසා වැඩිපුර කවි ලිවුවා
කාලය තිබේ නම් වැඩ නොම වෙයි මෙව්වා
අර පූසා අපේ වත්තෙන් පැන දිවුවා
ඒ යන ගමන් ඇඳ ගැන විස්තර කිවුවා
හිනාවක් පතා පද වැල් ඇමිණුවට
ReplyDeleteහිතාගෙන ඉන්නෙ මා ගැන වැරදියට
පඩික්කම තිබේ මගෙ ගේ තුලම මට
ජනේලෙන් කුමට කෙළ දමනුද පිටට????
හිතණා බවක් ඔය ගැන නුඹ ඔච්චරට
ReplyDeleteසිතුවේ නැති නිසයි කට වැරදුනේ මට
කවදත් නුඹේ කවි පද රස වින්ද මට
සමාවෙයන් නුඹෙ හිත රිදවූ පවට
රණ්ඩුවක් කිවු නිසා ආවේ බලන්නට
ReplyDeleteවාදයක් ඇයිද නුඹල ගෑනුන්ගේ දේට
මල පැන තියෙන්නේ සමරෙගෙ නෝනාට
කිටියෙක් වෙලා ඌ මිනිහෙක් නොවුනාට
අයියෝ උන්නැහේ එය සුලු දෙයක් තමා
ReplyDeleteකවි පද නිසා නැත හිත රිදවෙන්න නමා
පද වැල් ලියැවෙන්නෙ ඔබ හැම නිසා තමා
නැත කාරණා ඉල්ලන්නට මගෙන් සමා
(Thank you so much for all comments. So Happy)